Archive for the ‘மௌனம் – குழப்பம்’ Category

கூண்டுக்குள் வானம்

2010, ஓகஸ்ட் மாதம் 15ம் தேதி எழுதியது

கூண்டை விட்டு வானை தொட
பறவைகளின் கனவு
கூண்டுக்குள்ளே வானம் செய்ய
மனிதர்களின் கனவு

Advertisements

வெளி வேஷம்

2010, ஜூலை மாதம் 24ம் தேதி எழுதியது

யாரோ அது எனக்குள்ளே
பூக்களை கண்டு நிற்கிறார்
யாரோ அது எனக்குள்ளே
வானம் கண்டு மிரள்கிறார்
யாரோ அது எனக்குள்ளே
அன்பில் கொஞ்சம் உருகினார்
யாரோ அது எனக்குள்ளே
துரோகம் கொண்டு உடைகிறார்
யாரோ அது எனக்குள்ளே
தேடல் கொண்டு பறக்கிறார்
யாரோ அது எனக்குள்ளே
இரவில் விடியலை விதைக்கிறார்
யாரோ அது எனக்குள்ளே
துயரத்தில் அழுகிறார்
முகமில்லா ஒருவர் எனக்குள்ளே
என் விழியன் வழியே வழிகிறார்

அர்த்தம்

2010, மே மாதம் 25ம் தேதி எழுதியது

வாழ்க்கை புரிய
வாக்கியங்கள்
எழுதி கொடுத்தான் இறைவன்
அகராதியை தராமல்

கானல் நிலம்

2010, மே மாதம் 9ம் தேதி எழுதியது

விரிந்த நிலம் பொய்யென்று
அறிந்த விழி புரிந்ததென்று
கால்கள் போனது பின்னே
நெஞ்சம் மட்டும் போகுது முன்னே

விடியல்

2010, ஏப்ரல் மாதம் 29ம் தேதி எழுதியது
விடியல் என்பது வீரமா
என் விழியில் அது ஈரமா
விதியே கொஞ்சம் விழித்திடுமா
என் வழியில் கொஞ்சம் உயிர் வருமா

உயிரில் வெளிச்சம் – VIII

2010, மார்ச் மாதம் 20ம் தேதி எழுதியது
இருளிலும்
ஒளியே என் மேல்
விழுகிறது
குழந்தையாக கொஞ்சம்
உறங்கி போக நெஞ்சம்
ஏங்கும் இப்பொழுது
கண்ணீரே நீ கூட
எனக்கு துணையில்லையா
உயிர் வலித்து வளர்ந்த போதும்
நீ வரவில்லையா

பட்டம்

2010, மார்ச் மாதம் 15ம் தேதி எழுதியது
பூமரத்தில் உறங்கும்
பட்டம் போல் நானும்
பறக்கத்தான் நினைக்கிறேன்
சிறகுகள் இல்லையே
உறக்கத்தில் பறக்கவும்
கனவுகள் இல்லையே
எதை கண்டு
என்னை தொலைத்தானோ
என்னை செய்த இறைவன்

விடியல்

2010, மார்ச் மாதம் 9ம் தேதி எழுதியது
விடியலையும் நினைத்து
கொஞ்சம் அஞ்சினேன்
அதுவும்
பொய்யாகி விடும் என்றே
மனதில் வர மறுத்த
சூரியனுக்கு
விடியலே நீ ஏன்
பழி சுமந்தாயோ

நிலாப்படம்

2010, ஜனவரி மாதம் 28ம் தேதி எழுதியது

புகைப்படம் என்னை
ஏமாற்றி விட்டதா
நேற்று
கண்கள் பார்த்த நிலவை
கண்ணாடி பார்க்கவில்லையே

உண்மை கலவை

2010, ஜனவரி மாதம் 6ம் தேதி எழுதியது

நியாயம் அநியாயம்
சரியோ தவறோ
நன்றோ தீதோ
மனிதர்களின்
நிறங்களை போல் தான்
மாறுகிறது இவை யாவும்
நீ மட்டும்
உண்மையின் நிறத்தில்
கலந்திருக்காய் இறைவா
என்னையும் கொஞ்சம்
உன்னுள் கலப்பாயோ